సందేహాలను తీర్చనున్న ఆటా తెలంగాణ ఇమ్మిగ్రేషన్ సెమినార్

అమెరికా తెలంగాణ సంఘం ఆధ్వర్యంలో జూన్‌ 29 నుంచి జూలై 1 వరకు జార్డ్‌ ఆర్‌ బ్రౌన్‌ కన్వెన్షన్‌ సెంటర్‌లో జరిగే ప్రపంచ తెలంగాణ మహాసభల్లో వివిధ కార్యక్రమాలను ఏర్పాటు చేశారు. ఇమ్మిగ్రేషన్‌కు సంబంధించి నిష్ణాతులతో ఓ సెమినార్‌ను ఈ?కన్వెన్షన్‌లో నిర్వహిస్తున్నారు. హెచ్‌ 1 బి ఫిల్లింగ్‌, 1-140 ఫిల్లింగ్‌ విషయాలు, ఇబి 5 ఇన్వెస్టర్‌ వీసా కార్యక్రమం, ఓపీటి 1983 ఫిల్లింగ్‌ - న్యూరెగ్యులేషన్స్‌, ఇమ్మిగ్రేషన్‌లా లో క్రిమినల్‌ ఇస్యూస్‌, యు వీసా వంటి విషయాలపై ఈ సెమినార్‌లో చర్చించనున్నారు. పలువురు ఇమ్మిగ్రేషన్‌ నిపుణులు ఈ?సదస్సుకు హాజరవుతున్నారు. ఛార్లెస్‌ సి ఫోస్టర్‌, ఆశా రెడ్డి, జార్జ్‌ ఆర్‌ విల్లి, ఉమ మంత్రవాది, దష్మి, అన్మి బెనర్జీ, రేణుక పెరారా, మిస్‌బా చౌదరి, రాహుల్‌ వెంకట్‌ రెడ్డి తదితరులు ఇందులో పాల్గొంటున్నారు.