దావోస్ లో భారత్ ప్రచారమే ఎక్కువ...

దావోస్‌లో జరుగుతున్న వరల్డ్‌ ఎకనమిక్‌ ఫోరమ్‌ వార్షిక సమావేశాల సందర్భంగా దావోస్‌ నగరంలో ఇప్పుడు ఎటు చూసినా భారత ప్రభుత్వం లేదా దేశీయ సంస్థలు ఏర్పాటు చేసిన ప్రచార బోర్డులే దర్శనమిస్తున్నాయని చెబుతున్నారు.  దావోస్‌లోని ఏ రోడ్డుకెళ్లినా మన దేశ ప్రభుత్వ, ప్రైవేట్‌ రంగానికి చెందిన విశ్రాంతి గది (లాంజ్‌) ఒక్కటైనా కన్పిస్తోందట. భారత సర్కారుతోపాటు ఆంధ్రప్రదేశ్‌, మహారాష్ట్ర ప్రభుత్వాలు కూడా తమ అధికారుల కోసం అక్కడ ప్రత్యేకంగా లాంజ్‌లు ఏర్పాటు చేశాయి. ఇక ఆ లాంజ్‌ల్లో భారత్‌ వంటకాలనూ అందుబాటులోకి తెచ్చారు. చాయ్‌ నుంచి పకోడీల వరకు.. దోశ నుంచి వడా పావ్‌ వరకు విక్రయిస్తున్నారట. సోమవారం ప్రారంభమై డబ్ల్యుఈఫ్‌ 48వ వార్షిక సమవేశాలు శుక్రవారం ముగియనున్నాయి.