నాటా కన్వెన్షన్ లో టిటిడి వారి శ్రీ శ్రీనివాస కళ్యాణం

తిరుమల తిరుపతి దేవస్థానం వారి అనుమతితో  జులై 6 నించి 8, 2018 వరకు, ఫిలడెల్ఫియా లో జరగబోయే ఉత్తర అమెరికా తెలుగు సమితి (NATA) కన్వెన్షన్ ‌ లో శ్రీ శ్రీనివాస కళ్యాణం జరపడానికి అన్ని ఏర్పాట్లు జరుగుతున్నాయి. హిందుమత సంప్రదాయాలు అనుసరించి కళ్యాణం జరిపించడానికి తిరుపతి నించి ప్రత్యేకంగా టీటీడీ వేదపండితులు శ్రీ GAV దీక్షితులు గారు మరియు శ్రీ K. పురుషోత్తం ఆచార్యులు గారు వస్తున్నారు. కళ్యాణం అనంతరం భక్తులకు తిరుపతి లడ్డుప్రసాదం ఇస్తారు.  

కళ్యాణం జరుగుతున్నప్పుడు ప్రఖ్యాత గాయని కొండవీటి జ్యోతిర్మయిగారు అన్నమాచార్య కీర్తనలు పాడుతూ, శ్రీనివాసుని కళ్యాణం ప్రశస్తిని భక్తులకు వివరిస్తారు. పారుపల్లి బాలసుబ్రహ్మణ్యం గారి మృదంగం, సత్యనారాయణ శర్మగారి వయోలిన్ ఈ కార్యక్రమానికి అదనపు ఆకర్షణ. 

ఫిలడెల్ఫియాలో జరిగే తెలుగు కన్వెన్షన్‌ విజయవంతం చేయడం కోసం ఎంతోమంది కార్యకర్తలు శ్రమిస్తున్నారు. ఈ కార్యక్రమానికి ఆర్ధిక సహకారం అందించిన శ్రీమతి & శ్రీ రవి సన్నారెడ్డి, మేనేజింగ్ డైరెక్టర్, Sri City వారికి ధన్యవాదాలు తెలియజేస్తూ, మీ అందరిని సకుటుంబ సమేతంగా ఈ కార్యక్రమంలో పాల్గొనాలని NATA తరుపున ఆహ్వానం.

మరిన్ని వివరాల కోసం www.nata2018.org