న్యూజెర్సిలో మెడిటేషన్ పై తానా సదస్సు విజయవంతం
న్యూజెర్సిలో తానా ఆధ్వర్యంలో పిరమిడ్‌ స్పిర్చువల్‌ సొసైటీస్‌ మూవ్‌మెంట్‌ (పిఎస్‌ఎస్‌ఎం) నిర్వహించిన మెడిటేషన్, విస్‌డమ్‌ సెషన్‌ విజయవంతమైంది. బ్రహ్మశ్రీ పితామహ పత్రీజీ ఆధ్వర్యంలో జరిగిన ఈ కార్యక్రమానికి ఎంతోమంది హాజరయ్యారు. మెడిటేషన్ ప్రాధాన్యతను ఆయన వివరించారు. ఈ సందర్భంగా మెడిటేషన్ చేసిన తరువాత ఎంతోమంది తమకు కలిగిన అనుభూతిని వివరిస్తూ తాము ఇప్పుడు ఎంతో రిలాక్స్‌ అయ్యామని చెప్పారు. ఇక ముందు కూడా మెడిటేషన్ చేస్తామన్నారు. మెడిటేషన్ ప్రాధాన్యాన్ని ఇతరులకు తెలియజేయడానికి తానా సహకరిస్తుందని ఈ సందర్భంగా తానా నాయకులు వెల్లడించారు. ఈ కార్యక్రమానికి అవసరమైన వేదికను ఇచ్చిన రత్నమూల్పూరికి తానా నాయకులు ధన్యవాదాలు తెలిపారు. శ్రీనివాస్‌ ఓరుగంటి, లలిత నెక్కంటి, శ్రీధర్‌ దోనెపూడి, భగవాన్‌, శివాని తానా, సూర్య చక్క, దేవి చక్క, దివ్య తదితరులు బ్రహ్మర్షి పితామహ పత్రీజీని ఈ కార్యక్రమానికి తీసుకువచ్చారు. విద్యాగారపాటి, సుధీర్‌ నారెపాలెపు, శ్రీ చౌదరి కొనంకి, సుబ్రహ్మణ్యం ఓసూరు ఈ కార్యక్రమం విజయవంతానికి సహకరించారు.