టిటిఎ మహాసభలు ఘనంగా ప్రారంభం

తెలంగాణ అమెరికా తెలుగు సంఘం (టిటిఎ) మెగా కన్వెన్షన్‌ సియాటెల్‌ కన్వెన్షన్‌ సెంటర్‌లో మే 24వ తేదీన ఘనంగా ప్రారంభమైంది. మొదటిరోజున జరిగిన బాంక్వెట్‌ డిన్నర్‌ కార్యక్రమానికి అమెరికా నలుమూలల నుండి టిటిఎ నాయకులు, సభ్యులు, డోనర్లు, ఇతర తెలుగు అసోసియేషన్‌ నాయకులు హాజరయ్యారు. టిటిఎ వ్యవస్థాపకులు డా. పైళ్ల మల్లారెడ్డి, అడ్వైజరీ కౌన్సిల్‌ ఛైర్‌ డా. విజయపాల్‌ రెడ్డి, కోఛైర్‌ డా. మోహన్‌ రెడ్డి పటలోళ్ళ, ప్రెసిడెంట్‌ వంశీరెడ్డి, భరత్‌ రెడ్డి మాదాడి, కన్వీనర్‌ చంద్రశేఖర్‌ శ్రీరామోజుతోపాటు ఇండియా నుంచి వచ్చిన  తెలంగాణ రాష్ట్ర మంత్రి కోమటిరెడ్డి వెంకట్‌ రెడ్డి జ్యోతి ప్రజ్వలన చేసి కార్యక్రమాలను ప్రారంభించారు.

మాజీ మంత్రి మల్లారెడ్డి, శాసన మండలి సభ్యులు మదన్మోహనరావు తదితరులు కూడా ఈ వేడుకకు తరలివచ్చారు. యాంకర్‌ సుమ తనదైన శైలిలో కార్యక్రమాలను రక్తి కట్టించారు. సాంస్కృతిక కార్యక్రమాలు, మెడ్లి డాన్సులు అలరించాయి. డోనర్లను, ఇతర జాతీయ తెలుగు సంఘాల నేతలను శాలువా, పుష్పగుచ్ఛాలతో సన్మానించారు.  వందేమాతరం శ్రీనివాస్‌ సారధ్యంలో గాయనీగాయకులు మాధురి, జనార్దన్‌, శ్రీస్టీ, సుస్వర, అష్ట గంగాధర్‌ లతో తెలంగాణ జోరు  పాటల హోరు అంటూ పాటలు పాడి అందరినీ మెప్పించారు.

Click here for for Photogallery - Part 1

Click here for for Photogallery - Part 2