ఘనంగా 'తెలుగుటైమ్స్' 15వ వార్షికోత్సవం
అమెరికాలో మొదటి గ్లోబల్‌ పత్రికగా ప్రచురితమవుతున్న 'తెలుగు టైమ్స్‌' 15వ వార్షికోత్సవాన్ని పురస్కరించుకుని కాలిఫోర్నియాలో వేడుకలను నిర్వహించారు. బే ఏరియా తెలుగు అసోసియేషన్‌ ఉగాది వేడుకల్లో ఈ కార్యక్రమం జరిగింది. ఈ సందర్భంగా శ్రీమతి విజయ ఆసూరి తెలుగు టైమ్స్‌ చైర్మన్‌ జయరాం కోమటి, ఎడిటర్‌ చెన్నూరి వెంకట సుబ్బారావులను వేదిక మీదకు ఆహ్వానించారు. తెలుగు టైమ్స్‌తో బాటాకు ఉన్న అనుబంధాన్ని వివరించారు. సుబ్బారావు మాట్లాడుతూ, తెలుగు టైమ్స్‌ 15వ పుట్టినరోజు వేడుకలను బాటాతో కలిపి చేసుకుంటున్నందుకు సంతోషంగా ఉందని చెప్పారు. మిల్‌పిటాస్‌ మేయర్‌ రిచ్‌ట్రాన్‌, శాన్‌హోసె కాంగ్రెస్‌మెన్‌ ఆష్‌కల్రా తెలుగు టైమ్స్‌కు శుభాకాంక్షలు తెలిపారు. ఈ సందర్భంగా కేక్‌ కట్‌ చేసి, తెలుగు టైమ్స్‌ను ఆదరిస్తున్న పాఠకులకు, అడ్వర్టయిజర్లకు జయరాం కోమటి ధన్యవాదాలు తెలిపారు.
Tags :