మహాసభల్లో సినీకళాకారుల సందడి

ఫిలడెల్ఫియాలో జరిగే నాటా మహాసభల్లో సినీ రంగం నుంచి పలువురు హీరో, హీరోయిన్‌లు, కమెడియన్‌లు, డైరెక్టర్‌లు హాజరవుతున్నారు. హీరోలు నితిన్‌, సునీల్‌, కృష్ణంరాజు, వృథ్వీ, అలీ తదితరులు మహాసభలకోసం ఫిలడెల్పియా వస్తున్నారు. నాటా బ్రాండ్‌ అంబాసిడర్‌గా అలీ వ్యవహరిస్తున్నారు. వీరితోపాటు హీరోయిన్‌ జ్యోత్స్న శర్మ ఈ మహాసభల్లో ప్రత్యేక ఆకర్షణగా నిలవనున్నారు. ప్రముఖ దర్శకులు శేఖర్‌ కమ్ముల, శ్రీనువైట్ల, నిర్మాత దిల్‌రాజు, వీరభద్రం చౌదరి తదితరులు కూడా మహాసభలకు హాజరవుతున్నారు. మహాసభల్లో పలువురు సినీ కళాకారులను సత్కరిస్తున్నట్లు నిర్వాహకులు తెలిపారు. వారితో ప్రత్యేక కార్యక్రమాలను కూడా ఏర్పాటు చేశామని అందరూ ఈ కార్యక్రమాలను తిలకించాలని కూడా వారు కోరారు.