డాక్టర్‌ ప్రేమ్‌రెడ్డికి టిటిఎ జీవిత సాఫల్య పురస్కారం
సియాటెల్‌ కన్వెన్షన్‌ సెంటర్‌లో జరుగుతున్న తెలంగాణ అమెరికా తెలుగు సంఘం (టిటిఎ) మెగా కన్వెన్షన్‌లో జీవిత సాఫల్య పురస్కారాన్ని అమెరికాలోని ప్రముఖ డాక్టర్‌, ప్రైమ్‌ హెల్త్‌కేర్‌ అధినేత, తెలుగుసంఘాలకు, కమ్యూనిటికీ నేస్తంగా, దాతగా పేరు పొందిన డాక్టర్‌ ప్రేమ్‌సాగర్‌ రెడ్డికి అందజేశారు. టిటిఎ ఫౌండర్‌ పైళ్ళ మల్లారెడ్డి, ప్రెసిడెంట్‌ వంశీ రెడ్డి, విజయ్‌ పాల్‌ రెడ్డి, మోహన్‌ రెడ్డి పాటలోళ్ల, మోహన్‌ మల్లం, ద్వారకనాథ్‌ రెడ్డి, ఎంఎస్‌ రెడ్డి, హనుమరెడ్డి, రాఘవరెడ్డి గోసల, మహేందర్‌ ముసుకు, గౌతం గోలి ఇతర టీటిఎ నాయకులు ప్రముఖుల సమక్షంలో ఆయనకు ఈ అవార్డును అందజేశారు. ఈ సందర్భంగా ప్రేమ్‌ సాగర్‌ రెడ్డి మాట్లాడుతూ, జీవితంలో కష్టపడి తాను పైకివచ్చిన విధానాన్ని తెలియజేస్తూ, తన కథ చాలామందికి స్ఫూర్తిగా నిలుస్తుందని భావిస్తున్నట్లు చెప్పారు. అమెరికా అద్భుత అవకాశాలను అందించే దేశమని అంటూ ఈ దేశంలో ఉన్న అవకాశాలను దొరకబుచ్చుకుని నేటితరం ముందుకు పోవాలని కోరారు.