నాటా వేదికగా వైఎస్సార్ జయంతి

మహానేత వైఎస్‌ రాజశేఖర్‌ రెడ్డి జయంతిని నార్త్‌ అమెరికా తెలుగు అసొసియేషన్‌ వేదికగా నిర్వహిస్తామని వైఎస్సార్‌సీపీ ఓ ప్రకటనలో తెలిపింది. ఫిలడెల్పియాలో జరిగే నాటా మహాసభల్లో భాగంగా నిర్వహించనున్న పొలిటికల్‌ ఫోరంలో డా.వైఎస్సార్‌ ను స్మరించుకుంటామని ప్రకటించింది. మహా సభలకు హాజరు కావాలని పార్టీ అధ్యక్షులు వైఎస్‌ జగన్‌ను ఆహ్వానించారని, అయితే పాదయాత్ర కారణంగా ఆయన రాలేకపోతున్నారని పార్టీ తెలిపింది. నాటా ప్రతినిధులు, అతిథులను ఉద్దేశించి తన సందేశాన్ని వైఎస్‌ జగన్‌ పంపనున్నట్టు పార్టీ నేతలు తెలిపారు. పార్టీ ఎంపీలు విజయసాయిరెడ్డి, మిథున్‌ రెడ్డి సహా పలువురు వైఎస్సార్‌ కాంగ్రెస్‌ ముఖ్య నేతలు ఈ వేడుకలకు హాజరు కానున్నారని చెప్పారు.