యూత్‌ మెచ్చేలా జిలేనియల్‌ కార్యక్రమాలు
న్యూజెర్సిలో నాట్స్‌ ఆధ్వర్యంలో మే 26 నుంచి 28 వరకు అంగరంగ వైభవంగా జరిగే అమెరికా తెలుగు సంబరాల్లో వివిధ రకాల కార్యక్రమాలను ఏర్పాటు చేశారు. మూడు రోజులపాటు వైభవంగా జరిగే ఈ సంబరాలు ఎడిసన్‌లోని న్యూజెర్సి కన్వెన్షన్‌ అండ్‌ ఎక్స్‌పొజిషన్‌ సెంటర్‌లో జరగనున్నాయి.ఈ సంబరాల్లో వివిధ వర్గాలు మెచ్చేలా కార్యక్రమాలకు రూపకల్పన జరిగింది. ఇందులో భాగంగా జిలేనియల్‌ యాక్టివిటీస్‌లో ఎన్నో కార్యక్రమాలను మీరు చూడవచ్చు.
* 26వ తేదీన యూత్‌ కోసం క్రూయిజ్‌ యాత్రను ఏర్పాటు చేసారు. సెలబ్రిటీ గెస్ట్‌తో, కమెడియన్లతో, డిన్నర్‌, డ్యాన్స్‌లతో విహారయాత్ర చేయవచ్చు.
* 27వ తేదీన సంబరాలకు వచ్చిన తెలుగు సెలబ్రిటీలతో మీరు చిట్‌ ఛాట్‌ చేయవచ్చు. కాఫీ, టీ తాగుతూ మీకిష్టమైన, మీ ఫేవరెట్‌ సెలబ్రిటీతో మీరు ఛాట్‌ చేసే అవకాశాన్ని నాట్స్‌ సంబరాల్లో కల్పిస్తోంది.
* తెలుగు షార్క్‌ ట్యాంక్‌ పేరుతో బిజినెస్‌ చేయాలనుకునే వాళ్ళకోసం అవకాశాన్ని నాట్స్‌ సంబరాల్లో కల్పిస్తోంది. తెలుగు ఎంట్రప్రెన్యూర్స్‌ తమ బిజినెస్‌ ప్రపోజల్స్‌తో ఈ కార్యక్రమంలో చర్చించవచ్చు.
* స్పీడ్‌ డేటింగ్‌ పేరుతో తమకు నచ్చిన అమ్మాయి లేదా అబ్బాయిని ఎంచుకోవచ్చు.
* నెక్ట్‌ జనరేషన్‌ లీడర్‌ షిప్‌ ప్యానెల్‌..యంగ్‌ తెలుగు ప్రొఫెషనల్స్‌కోసం ఈ కార్యక్రమాన్ని ఏర్పాటు చేశారు.
* 28వ తేదీన ఆదివారం నాడు కూడా వివిధ కార్యక్రమాలను ఏర్పాటు చేశారు.
* టాలెంట్‌ కాంపిటీషన్స్‌ పేరుతో జరిగే పోటీల్లో పాల్గొని నగదు బహుమతులను ఛాన్స్‌లను అందుకోవచ్చు.
* తెలుగు ట్రివియా పేరుతో జరిగే కార్యక్రమంలో మీ నాలెడ్జ్‌కు జరిపే పరీక్షలో గెలిచి నగదు బహుమతులను చేజిక్కించుకోవచ్చు.
* జడ్‌ అడ్వెంచర్స్‌ కార్యక్రమం, వెల్‌ బియింగ్‌ ప్యానెల్‌ పేరుతో కార్యక్రమాలను కూడా నిర్వహిస్తున్నారు.