చైనా కట్టడికి నాటో వ్యూహం... వాషింగ్టన్‌లో మూడు రోజులపాటు

అగ్రరాజ్యం అమెరికా సహా పాశ్చాత్య దేశాలకు పలు రంగాల్లో సవాల్‌ విసురుతున్న చైనాను కట్టడి చేసేలా ఇండో-పసిఫిక్‌ ప్రాంతంలోని కీలకమైన దేశాలతో సత్సంబంధాలు నెలకొల్పుకునేందుకు నాటో కూటమి యత్నిస్తోంది. నేటి నుంచి మూడు రోజుల వరకు వాషింగ్టన్‌లో జరుగుతున్న నాటో సదస్సుకు ఇండో-పసిఫిక్‌ ప్రాంతానికి చెందిన న్యూజిలాండ్‌, జపాన్‌, దక్షిణ కొరియా దేశాధినేతలు కూడా హాజరుకానున్నారు. రష్యాతో పోరాడుతున్న ఉక్రెయిన్‌కు నాటో కూటమి దేశాల నుంచి ఆయుధాలతో పాటు ఆర్థిక చేయూతను మరింత పెంచేలా సదస్సులో నిర్ణయం తీసుకునే అవకాశం ఉంది.