తానా చెస్‌ చాంపియన్‌షిప్‌ టోర్నమెంట్‌
ఉత్తర అమెరికా తెలుగుసంఘం (తానా) స్పోర్ట్స్‌ కమ్యూనిటీ చైర్‌ నాగ పంచుమర్తి కమ్యూనిటీకోసం వివిధ పోటీలను వివిధ నగరాల్లో నిర్వహించడానికి విశేషంగా కృషి చేస్తూ వస్తున్నారు. అందులో భాగంగా నార్త్‌ ఈస్టన్‌లో ఓషన్‌ స్టేట్‌ చెస్‌ అసోసియేషన్‌, న్యూ ఇంగ్లాండ్‌ చెస్‌ అసోసియేషన్‌తో కలిసి తానా చెస్‌ టోర్నమెంట్‌ను నిర్వహిస్తోంది. నవంబర్‌ 23వ తేదీన ఈ పోటీలు జరుగుతున్నాయి. స్టోన్‌ హిల్‌ కాలేజీ అలూమ్ని హాల్‌లో ఈ పోటీలు జరగనున్నాయి. ఈ పోటీల్లో అందరూ పాల్గొని తమ ప్రతిభను చాటుకోవాలని నాగ పంచుమర్తి కోరారు. ఇందులో గెలిచినవారికి నగదు బహుమతులను, ట్రోపీలను అందిస్తున్నట్లు ఆయన ప్రకటించారు. తానా ఫౌండేషన్‌ చైర్మన్‌ శశికాంత్‌ వల్లేపల్లి, తానా న్యూఇంగ్లాండ్‌ రీజినల్‌ కో ఆర్డినేటర్‌ కృష్ణ ప్రసాద్‌ సోంపల్లి, ఫౌండేషన్‌ ట్రస్టీ శ్రీనివాస్‌ ఎండూరి తదితరుల సహకారంతో ఈ టోర్నమెంట్‌ను నిర్వహిస్తున్నట్లు నాగ పంచుమర్తి తెలిపారు.
